menu secteurs

Inauguracion de la Calandreta L’Esquiròl

[occitan] Dissabte 2 d’abril de 2011 foguèt una jornada importanta per l’associacion Calandreta L’Esquiròl qu’organizava una jornada pòrtas dubèrtas e l’inauguracion de la primièra escòla occitana del departamant d’Òlt al 100, passatge de Saliège a Sent Seren.

De 10 oras a 16 oras, las familhas poguèron visitar los locals e s’entresenhar sus las Calandretas, que prepausan un ensenhament bilingüe vertadièr, e la pedagogia Freinet que i es dispensada. Aquelas familhas son totas interessadas per i botar lors dròlles tre la dintrada escolara de 2011.

A 16 oras : maitas personalitats èran presentas :

 Joan Launay, deputat-conse de Bertenons e co-signatari d’una proposicion de lei sus las lengas "regionalas".

 Pèire Barral, representant la Federacion de las Calandretas de Miègjorn-Pirenèus

 Rogièr Lassaca, president de l’Institut d’Estudis Occitans d’Òlt

 Daidièr Amadieu, director del Credit Agricòla a Sent Seren

 Estève Clerc, president de l’associacion Calandreta L’Esquiròl.

Puèi aquò foguèt la copadura tradicionala del riban amb las colors europèas.

Aquela polida jornada, que vegèt passar pas mens de 80 personas, s’acabèt per un aperitiu en musica amb l’AMTP Quercy.

Dins los mediàs :

France3 al 19/20. Seleccionar lo 19/20 OCCITAN du 02/04/2011.

Article de La DEPECHE.FR

[français] Samedi 2 avril a été une journée phare pour l’association Calandreta L’Esquiròl qui organisait une journée portes-ouvertes et l’inauguration de la première école occitane du Lot au 100, passage de Saliège à Saint-Céré.

De 10 heures à 16 heures, les familles ont pu visiter les locaux et se renseigner sur les Calandretas, qui proposent un véritable enseignement bilingue, et la pédagogie Freinet qui y est dispensée. Elles sont toutes intéressées pour y mettre leurs enfants dès la rentrée prochaine.

A 16 heures, de nombreuses personnalités se sont succédées :

 Jean Launay, député-maire de Bretenoux et co-signataire d’une proposition de loi sur les langues "régionales".

 Pierre Barral, représentant la Fédération des Calandretas de Midi-Pyrénées

 Roger Lassaque, président de l’Institut d’Etudes Occitanes du Lot

 Didier Amadieu, directeur du Crédit Agricole à Saint-Céré

 Stéphane Clerc, président de l’association Calandreta L’Esquiròl.

Puis ce fut la traditionnelle coupure de ruban aux couleurs européennes.

Cette belle journée, qui a vu passer pas moins de 80 personnes, s’est terminée par un apéritif en musique avec l’AMTP Quercy.

Calandreta L’Esquiròl
100, passatge de Saliège
46 400 SENT SEREN
Tel : 06 71 43 69 01 (associacion) / Tel (escòla) : 05 65 33 49 30
Corrièl : calandreta.esquirol@laposte.net

Farandòla dels sits internet dels establiments Calandretas

[occitan] Un clic aici per identificar la Calandreta la mai pròche de vòstre ostal. Per nos senhalar lo sit internet de vòstra escòla, nos mandar de fotòs o l’actualitat de vòstra escòla, contactar mirelha.blanquer(at)wanadoo.fr - remplaçar (at) per @

[français] Un clic ici pour identifier la Calandreta la plus proche de chez vous. Pour nous signaler le site internet de votre école, nous envoyer des photos ou l’actualité de votre école, contacter mirelha.blanquer(at)wanadoo.fr - remplacer (at) par @

[english] Click here to see the map of the all 54 Calandretas.