menu secteurs

Partejatz vòstras fotografias de la Manifestacion Anem Òc sul grop Flickr de l’Actualitat Occitan

Occitània tota lèva-te !
Lèva-te per anar a Tolosa
manifestar ta vida
ton enveja, ta volontat de viure.
Es çò primièr que manifestarem.
Es aquò que nos balharà fòrça.
Fòrça pels autres de nos vèire fòrça.
Fòrça mai que mai per nautres
de vèire que sèm fòrça, nombroses,
mas tamben que contam, e fòrça,
del plen de vida qu’avèm, que portam,
per l’avenidor.
Es aquí nòstra fòrça.
Es ela que devèm manifestar
mostrar, faire lusir, cantar e dançar
amb nòstra lenga d’òc.
Aquela fòrça que nos farà mai fòrts, se volèm.
Occitània tota cal te voler viva
per aquò lèva-te, aubora-te
per t’encaminar cap a Tolosa.
E aquela novèla d’una cultura qu’es viva
que se vòl mai de viure e de futur,
serà una granda novèla
per tota la cultura del monde
que se fa fèsta de sas mirgalhadas.
A Tolosa i serem contra los tristes e grises
que vòlon redusir l’espèçia culturala.
Sèm çò que sèm
es ja fòrça,
atal fòrça sèm.
Adoncas sèm fòrça
se volèm.
VOLEM !

Joan-Loís Blenet, President

MOBILISACION GENERALA DE CALANDRETA PER CAPITAR NÒSTRA MANIFESTACION PER LA LENGA E LA CULTURA OCCITANAS  A TOLOSA LO DISSABTE 31 DE MARS DE 2012

[òc] Aquesta manifestacion serà coma son nom o ditz una FÈSTA, la d’una cultura dobèrta e joiosa. Los que faguèron las de Carcassona e Besièrs sabon qu’es un moment fòrt, una fèsta pels calandrons. Se fasèm de recampaments dels calandrons es pr’amor qu’es indispensable, per lor escolaritat, de lor donnar l’ample de çò que vivon. E la manifestacion de Tolosa serà aquò mas bravament mai grand.

E lo nombre permet de parlar a la societat tota per demandar quicòm de simple dins un estat de drech : una lei per nòstras lengas « regionalas » que son las solas dins aqueste país d’èsser de lengas sens papièrs ni estatut. Una lei per sortir de la precaritat de nòstra accion e de las dificultats que vivèm cada jorn e permetre de definir de politicas lingüisticas e culturalas.

Aviam pensat que d’èsser marcadas dins la Constitucion coma « patrimòni de França » permetriá a las lengas regionalas d’obténer un drech, lo d’aver los mejans de viure. Mas lo Conselh Constitucional diguèt, lo 20 de mai de 2011, qu’aquesta frasa constiutcionala « instituissiá pas un drech o una libertat que la Constitucion garantissiá ». Es a dire que servís a pas res. Cal tot tornar prene e per aquò nos cal èsser nombroses de lo demandar.

Per èsser nombroses e mai fòrts nos sèm organisats amb las autras lengas per qu’aqueste 31 de mars siá una jornada nacionala per las lengas regionalas. I aurà de manifestacions a Quimper, Baïona, Perpinhan, Estraborg, Ajàccio e tanben en Savòia, Picardia, Reunion, Goadalopa... d’en pertot. Totes manifestarem dins l’unitat per totas las lengas e culturas, amassa per la diversitat.

E a Tolosa nos cal far mai qu’en 2009, mai que los 25 000 que donèron un brave còp de credibilitat a la dinamica occitana que Calandreta n’es un element màger.

CALANDRAIRES, CALANDRONS, CALANDRINS TOTES A TOLOSA LO 31 DE MARS

Los calandraires son los associatius-parents, regents e emplegats que fan Calandreta. Associats per far escòla !

MOBILISATION GÉNÉRALE DE CALANDRETA POUR RÉUSSIR NOTRE MANIFESTATION POUR LA LANGUE ET LA CULTURE OCCITANES À TOULOUSE LE 31 MARS 2012

[fr] Cette manifestation sera comme son nom le dit une FÊTE, celle d’une culture ouverte et joyeuse. Tous ceux qui ont participé à celles de Carcassonne et Béziers savent que c’est un moment fort, une fête pour les calandrons. Si nous rassemblons les calandrons, c’est parce qu’il est indispensable, pour leur scolarité, de leur donner toute la dimension de ce qu’ils vivent. Et la manifestation de Toulouse en sera un exemple des plus grands.

Et le nombre permet de parler à toute la société pour demander quelque chose de simple dans un état de droit : une loi pour nos langues « régionales » qui sont les seules dans ce pays à être des langues sans papiers ni statut. Une loi pour sortir de la précarité de notre action et des difficultés que nous vivons chaque jour et permettre de définir des politiques linguistiques et culturelles.

Nous avions pensé que d’être inscrites dans la Constitution comme « patrimoine de la France » permettrait aux langues régionales d’obtenir un droit, celui d’avoir les moyens de vivre. Mais le Conseil Constitutionnel a dit, le 20 mai 2011, que cette phrase constitutionnelle « n’instituait pas un droit ou une liberté que la Constitution garantissait ». C’est à dire qu’elle ne sert à rien. Il faut donc tout reprendre et pour cela nous devons être nombreux à le demander.

Pour être nombreux et plus forts, nous nous sommes organisés avec les autres langues afin que ce 31 mars soit une journée nationale pour les langues régionales. Il y aura des manifestations à Quimper, Bayonne, Perpignan, Strasbourg, Ajaccio et aussi en Savoie, Picardie, à la Réunion, en Guadeloupe... partout. Tous, nous manifesterons dans l’unité pour toutes les langues et cultures, ensemble pour la diversité.

Et à Toulouse il nous faut faire mieux qu’en 2009, mieux que les 25 000 qui ont donné une crédibilité nouvelle à la dynamique occitane dont Calandreta est l’un des éléments majeurs.

CALANDRAIRES, CALANDRONS, CALANDRINS TOTES A TOLOSA LO 31 DE MARS

Les calandraires sont les associatifs-parents, enseignants et employés qui font Calandreta. Associés pour faire école !

Lo 27en Congrès de las Calandretas se debanarà a Pleus del 17 al 19 de mai de 2012

Ligam a la Google map de l’ostal famiala CCAS de Pleus

Lèu lo program e la ficha d’inscripcion seràn de telecargar aquí.

Moment fòrt del movement Calandreta, lo congrès biennal es l’escasença bèla de soscar amassa a las orientacions de prene, a las actualizacions e melhoracions de realizar, a las novetats de metre en plaça.

Espaci de paraulas, espaci d’accions, noirit pels sectors recèrca d’APRENE*, lo congrès valida las orientacions futuras, e los axis de trabalh que los actors de Calandreta van metre en òbra.

Cada congrès es l’escasença de trabalhar l’un dels 4 pilars del Movement Calandreta : Associats per far escòla, Immersion lingüistica, Pedagogia, Cultura. Ongan lo congrès aurà coma tèma : « Calandreta : associats dins una pedagogia cooperativa ».

* APRENE es l’establiment d’ensenhament superior occitan que forma los professors d’escòla Calandreta

Doblatge del DVD de Las Tres Bessonas en occitan lengadocian de calandrons de Rodés e de collegians de La Barraca en Avairon !

Per los enfants de 3 a 7 ans

Las Tres Bessonas | episod de Las sèt cabretas Las Tres Bessonas van èsser mandadas dins lo conte popular de las sèt cabretas. Mas aqueste còp, lo lop se deurà far mai modèrne : se farà passar per liuraire de pizzas, vendeire d’enciclopedias e autres mestièrs per se far pas reconéisser de las cabretas que son demoradas soletas a l’ostal...

www.lestresbessones.com

PRÈTZ DE VENDA PUBLIC 15 EUROS

MANDAR UN CHÈC A : AVOCA (Aveyron Occitanie Avenir) L’Ostal del Patrimòni Place Foch 12000 RODEZ

Article per la revista Patrimoni

Los dialògs en occitan lengadocian