menu secteurs

La manifestacion de Carcassona es estada una capitada, una capitada grandassa que fa la pròva d’una dinamica occitana, d’un vertadièr movement popular per sosténer e far viure nòstra lenga e nòstra cultura.

Mercejam totes aqueles que son venguts, qu’an portada la man a l’organizacion tant plan coma al debanament de la jornada.

Avèm donat de la lenga un imatge festiu, gaujós, colorat, mas tanben tranquil, pacific e determinat.

Es aquò que fa la fòrça : una accion determinada per un enjòc que nos ren gaujoses e imaginatius.

Una mencion especiala a las valentas que son estadas las cavilhas de l’accion de Calandreta, la Claudia Mazard e la Mirelha Blanquer.

Aquesta manifestacion farà avançar Calandreta e n’avèm ja de tombadas positivas.

Lo còp que ven i serem encara mai !

E ARA ALS 30 ANS !