menu secteurs

Fondaments psicolingüistics

Eissit d’un article de l’Ofici regional pel bilingüisme, redigit pel Professor Joan Petit, psycholingüista.

« Es bilingüe cada subjècte uman capable d’entendre e de s’exprimir oralament e per escrich en doas lengas, e aquò dins totas las situacions de la vida privada, professionala e sociala. Dempuèi mantunas annadas ja, un consensus s’es establit dins la cèrca psicolingüistica a prepaus de mantun ponch essencial: Non solament, un bilingüisme plan menat es pas nociu per l’enfant, mas constituís, al contrari, un factor de desvolopament de l’intelligénca per de domenis tant essencials coma aquel de la pensada abstracha e simbolica (aprendissatge de las matematicas per exemple). Al nivèl purament lingüistic, lo mainatge bilingüe prepausa de prestacions significativament superioras a las d’un monolingüe, e aquelas prestacions dins las doas lengas. D’ont mai l’enfant es jove, d’ont mai l’acquisicion li est aisida. Es un constat experimental que podèm renovelar cada jorn amb los mainatges de las familhas immigrada. Lo cervèl de l’enfant lo predispausa a acquerir, par imitacion e per reproduccion activa, cada lenga parlada a son entorn. L’apren tant aisidament que s’es apresa sa lenga mairala, non conscientament e quin que siá lo sieu Q.I. En un mot, cada enfant capable d’aprene sa lenga mairala es capable de n’aprene d’autras. L’estrategia universala e innada que met en òbra per aquela acquisicion simplifica la lenga per la poder mai assimilar. Podusís d’errors que se corregisson progressivament e naturalament. Aquelas desvianças constituisson d’etapas de l’acquisicion e se devon de tractar amb precaucion. Aquela estrategia acquisicionala es plenament operanta pendent l’edat mai jove. Se s’esperam qu’un mainatge aja 6 o 7 ans per li far començar l’aprendissatge d’una segonda lenga viva, fasèm pas que pèrdre un temps preciós. »