menu secteurs

La peticion en linha

L’associacion LOS AMICS DE LA CALANDRETA CARCINÒLA a per tòca de promòure la lenga occitana dins l’ensenhament de la mairala a la fin del primari per fin de n’assegurar la transmission.

La lenga occitana, e mai s’es encara plan viva dins Òlt, es gaireben inexistenta dins lo domèni de l’ensenhament :

- i a sonque d’intervencions ponctualas dins d’unas escòlas.

- l’opcion occitan es malaisida de manténer dins los collègis, pauc nombroses, que la proposan e i a sonque 3 joves marcats al licèu ongan.

Es pas normal que i aja tant pauc de joves de poder recebre un ensenhament dins aquesta lenga quand una circulara rectorala existís.

En consequéncia demandam :

- un local per aculhir los dròlles que sos parents son interessats per lo projècte d’escòla bilingüa Calandreta.

- de mejans per metre en plaça una politica ambiciosa pel desvolopament de l’ensenhament de l’Occitan coma previst dins l’esquèma regional mes en plaça.

- de pressions de la part dels elegits per obténer la lei promesa per l’Estat.